ՄԻ ՓՈՔՐ ՄԵՐ ՄԱՍԻՆ․․․
Բեյբիդենտ մասնագիտացված մանկական ատամնաբուժարանը հիմնադրվել է 2022 թվականին։ Հիմնադիրների նպատակն էր Հայաստանում ստեղծել մանկական ատամնաբուժարան, որը ոչ միայն բարձրակարգ ծառայություններ կմատուցեր երեխաներին՝ կիրառելով ժամանակակից տեխնոլոգիաներ և մոտեցումներ, այլև միջավայրում կստեղծեր նոր ընկալում և վերաբերմունք ատամնաբուժության այս կարևոր ուղղության վերաբերյալ։Այստեղ դասական ատամնաբուժական մոտեցումներին և մեթոդներին փոխարինում են ժամանակակից, ոչ ստանդարտ մեթոդները։
Առկա է հատուկ առանձնացված խաղային զոնա, որտեղ տարատեսակ խաղերի և հոգեբանական վարժությունների միջոցով ձևավորում ենք բժիշկ-երեխա վստահությունը, ինչը էական հեշտացնում է բուժման պրոցեսը։ Այստեղ ընդգծում ենք մեր հոգատարությունն ու անհատական մոտեցումը յուրաքանչյուր երեխային։
Ըստ տարիքային խմբերի, մեզ մոտ հնարավորություններ են ստեղծված նույնիսկ բուժման պրոցեսի ժամանակ վիդեոխաղեր խաղալու կամ սիրելի մուլտֆիլմը վայելելու համար։ Սա շատ կարևոր է երեխայի ուշադրությունը բուժման պրոցեսից շեղելու համար։
Մեզ մոտ խիստ պահանջներ են սահմանված աշխատակազմի նկատմամբ, ինչի արդյունքում ձևավորվել ենք պրոֆեսիոնալ բուժանձնակազմ, ովքեր բացի մասնագիտական վերապատրաստումներից անցնում են նաև երեխաների հոգեբանությանը վերաբերող դասընթացներ։ Նրանք երիտասարդ են, աշխույժ, ժպտերես, սիրում են երեխաներին, կարողանում են բուժման ընթացքում մի քանի անգամ կերպարանափոխվել հեքիաթի հերոսի կերպարից անցում կատարելով մինչև պատասխանատու բուժող բժիշկի կերպարի։
Ատամնաբուժարանը հագեցած է բարձրակարգ, վերջին սերնդի սարքավորումներով և գործիքներով՝ նախատեսված հատուկ երեխաների համար։
Ատամնաբուժարանում կիրառվում է բարձր կարգի ախտահանման մեթոդիկա և օպտիմալ ախտահանման պարբերականություն։ Օգտագործվում են բարձրակարգ ախտահանիչ նյութեր և սարքավորումներ։
Ներդրված են երեխաների մոտիվացիայի վրա ազդող միջոցառումներ և ատրիբուտներ՝ պարգևատրումներ, նվերներ, պատվոգրեր, մեդալներ, որոնք էական օգնում են բուժման ընթացքը ավելի սահուն կազմակերպել։
Մեզ մոտ , ըստ դեպքի ծանրության, բժշկի որոշումով կազմակերպվում են առանց որևէ բժշկական միջամտության ադապտացիոն այցեր՝ խաղերի և հոգեբանական վարժությունների միջոցով սթրեսի և վախերի հաղթահարման համար։
Բուժումից հետո շարունակում ենք համագործակցությունը և կապը ծնողների հետ, ըստ անհրաժեշտության ծնողներին տրվում են հետբուժական միջոցառումների խորհուրդներ։
Սահմանված է կատարված յուրաքանչյուր միջամտության երաշխիք, ինչպես նաև տվյալ դեպքի լավագույն բժշկական լուծման երաշխիք։
Յուրաքանչյուր բուժումից հետո կազմակերպում ենք անվճար պրոֆիլակտիկ այցեր:
Ոչ աշխատանքային ժամերին իրականացնում ենք հեռախոսային խորհրդատվություն։
Մեր բոլոր բուժառուների համար նախատեսված են ծննդյան նվերներ, պարտադիր ուղարկվում են շնորհավորանքի նամակներ։ Այստեղ մենք ընդգծում ենք մեր ուշադրությունը հաճախորդների նկատմամբ։
Ի թիվս թվարկվածների Բեյբիդենտում կիրառվում են բազում այլ, երբեմն նաև ոչ ստանդարտ մոտեցումներ, որոնք անընդհատ կատարելագործում ենք հաշվի առնելով ոլորտի նորարարությունները, հաճախորդների սպասարկման արդիական մոտեցումները, հաճախորդների դրական փորձառության նախադեպերը, հաճախորդների կարծիքները և այլ։
Այս ամենի արդյունքն է, որ այս երկու տարվա ընթացքում արդեն շուրջ 5000 ծնող վստահել է մեզ․ մենք չենք դադարելու շարունակել մեր ուրույն ձեռագրով զարմացնել մեր հաճախորդների ծնողներին՝ հետևելով ոլորտի համաշխարային միտումներին։
Առաքելություն
Մեր հաճախորդներին տրամադրել միջազգային որակի բժշկական և հոգեբանական ծառայություններ։Արժեքներ
- Գործում ենք պատասխանատու
- Մտածում ենք գեղեցիկ
- Հոգատար ենք բոլոր այցելուների նկատմամբ
- Կարևորում ենք յուրաքանչյուր մանրուք
- Նորարար ենք
- Հաշվի ենք առնում յուրաքանչյուր հաճախորդի կարծիք
Տեսլական
Լինել երեխաների բերանի խոռոչի կամ դիմածնոտային ցանկացած ախտորոշման ամբողջական բուժման լուծումներ առաջարկող և այդ լուծումները ցանկացած կամակորություն ունեցող երեխայի նկատմամբ իրացնել կարողացող վստահելի միջավայր։ԻՆՉ ԵՆՔ ՄԵՆՔ ԱՌԱՋԱՐԿՈՒՄ
ԵՐԵԽԱՆԵՐԻ ԳՈՏԻ
